E-commerce ki fiqhi qanooniyat tashkeel (Bay' qabl al-qabz ke tanazur mein)
Loading...
Date
2021
Authors
Journal Title
Journal ISSN
Volume Title
Publisher
UMT Lahore
Abstract
Shariat-e-Islamia mein umoor-e-tijarat ki bohat ahmiyat hai. Is liye to Quran-o-Ahadith mein tijarat se mutalliq ahkamat nazil hue hain. Aaj ke maddiyat parasti ke daur mein to dunya aalmi basti (Global Village) ki surat ikhtiyar kar chuki hai aur zindagi ke kam-o-besh aksar mamlaat computer aur internet ke zariye hi saranjam diye ja rahe hain. Tijarat mein ijab-o-qabool, saman ki adaiygi aur ba'i par qabza ki tasdeeq tak ke mamlaat internet par anjam pa rahe hain. Is tijarat mein kayi sooratein aham hain maslan, ek surat uqood-e-maliya ki hai, isi tarah ek surat qabza ki hai, isi tarah ba'i qabl al-qabz ki bhi hai ya'ni kisi cheez ko khareed kar use apne qabze mein lene se qabl hi farokht kar dalna. Bohat saare nuqsanat is se mulhaq hain maslan; gharar, qimar, satta aur bad-diyanati waghera ke ilawa yeh mamla mufzi ila al-munaza'a bhi hai aur Shariat-e-Islamia har mufzi ila al-munaza'a kaam se rokti hai. Shariat-e-Islamia ka maqsad insan ko dunyawi aur ukhrawi nuqsanat se bacha kar raza-e-Ilahi ke liye hama waqt kamar basta rakhna hai woh nuqsanat chahe mali hon, jaani hon ya phir ibadat se mutalliq hon.