Shariat ke tanazur mein medical science se sabit shuda hijama ki ahmiyat-o-afadiyat
Loading...
Date
2020
Authors
Journal Title
Journal ISSN
Volume Title
Publisher
UMT Lahore
Abstract
Insan aag, pani, hawa, mitti ka murakkab hai jabke dil, dimagh, jigar hayati azaa hain aur haddi bunyadi uzv hai. Inko thos azaa bhi kaha jata hai. Yeh khoon se hi parwarish pate hain aur khoon maye shakal mein hota hai. Ab sawal yeh hai ke khoon tayyar kaise hota hai? Is amal ko janne ke liye insani ghizai nizam ko dekhna hoga jisse hayati aur bunyadi azaa ki nashonuma hoti hai. Saath hi saath khoon ke dauraniye ko samajhna bhi zaruri hai kyunke isi se sehat insani qaim hai. Insan jo ghiza khata hai usi ka kuch hissa maide mein jama hota hai jisse kailoos tayyar hota hai jo baqi anton mein hazm hota hai jahan se kaimoos nikalta hai. Yeh kachi khiltain hoti hain. Insan ka jigar khoon ko pakka karke red cells, white cells aur yellow cells banata hai jahan se safai ke liye dil ke dayen hisse se hota hua phephron tak jata hai. Wahan khoon se carbon dioxide kharij hoti hai aur oxygen khoon mein shamil ho jati hai. Gurdon mein is se crey aur urea nikalta hai. Jism par paseena aane se khoon se tezabi madde bhi kharij hote hain. Ab yeh saaf khoon insani jism ka juz ban jata hai. Is rutubat aur hararat se insani baqa qaim hai aur sehat bahal hai. Insan tandrust tawan hai aur tamam afaal behtar taur par saranjam de sakta hai. Is mukammal bahas se maloom hota hai ke insan ko beemari ka lahaq hona min janib Allah hai aur beemariyon ki ibtida khoon se hoti hai. Allah Ta'ala ne har beemari ka ilaj bhi nazil farmaya hai jaise ke irshad-e-Nabawi ﷺ: "Ma anzala Allahu da'an illa anzala lahu shifa'an." Allah Ta'ala ne koi aisi beemari nahin utari jis ki dawa na utari ho. Beemariyon ke ilaj ke liye ma'roof masnoon tareeqe wajood hain jaisa ke roohani ilaj (dam ke zariye), adwiyat ke zariye se ilaj, ilaj bil ghiza aur hijama se ilaj karna. Roohani aur jismani beemariyon se nijat ke liye iman aur ilaj ke darmiyan ek mazboot ta'alluq hai. Agar iman ki kaifiyat mein pukhtagi hogi to beemari se shifa bhi isi qadar tezi se hogi. Isi tarah agar aaj ki research ko dekha jaye to pachhna ek qadeem ilaj hai jo bahut mufeed hai.