Browsing by Author "Bashir Ahmad"

Now showing 1 - 1 of 1
  • Thumbnail Image
    Item
    Fiqh-e Islami par mustashriqeen ke aitrazat Reginald Nicholson ke afkaar ka tanqeedi jaiza
    (UMT Lahore, 2020) Bashir Ahmad
    Fiqh-e-Islami. Firqa wariyat se pak ek aisi fikr-e-saleem ka naam hai jo Quran-o-Sunnat-e-Rasool (SAW) ki khalis taleemat mein seenchi gayi. Jis ne zinda masail ke istidlal, istinbat aur ijtihad mein Quran-o-Sunnat-e-Rasool ko apnaya aur shar'i ahkam ki tashreeh-o-ta'beer mein in dono ko hi har haal mein tarjeeh di. Yeh taleemat Allah Ta'ala ka aisa atiya hain jo apne lutf-o-karam se kisi bhi bande ko khair-e-kaseer ke taur par woh ata kar deta hai. Fiqh-e-Islami. Is ilm ka naam hai jo Kitab-o-Sunnat-e-Rasool se pakki wabastagi ke baad taqarrub-e-Ilahi ki soorat mein hasil hota hai. Yeh ilm dhool-o-ghubar ko ura kar mahol ko saaf-o-shaffaf banata hai. Aur ba'z aise mubham khayalat ka safaya karta hai jahan bazahir kuch hota hai aur andaroon-e-khana kuch. Roshni ke aise dar-o-baam kholta hai jin mein zulmat chhat jati hai. Jis ke idrak ke baad zalalat ya niza'a ki koi shakal baqi nahi rehti.