2023

Permanent URI for this collection

https://escholar.umt.edu.pk/handle/123456789/16021

Browse

Browsing 2023 by Author "Hira Khan"

Now showing 1 - 1 of 1
  • Thumbnail Image
    Item
    Halal Food Industry
    (UMT Lahore, 2023-07-12) Hira Khan
    Allah Tabarak-o-Ta'ala Ne Insan Ko Beshumar Ne'maton Se Nawazaa Hai. Jin Mein Khurak, Libas, Adwiyat, Cosmetics Aur Doosri Ashiya-e-Sarf Shamil Hain. Aur In Ko Hasil Karne Ka Zariya Nabataat-o-Jamadaat-o-Haiwanaat Hain. Daur-e-Qadeem Se Hi Bani Nau Insan Janwaron Aur Paudon Se Istedada Karta Raha Hai. Aur In Se Agahi Hasil Karne Ke Sath Sath In Se Fawaid Hasil Karne Ki Koshishon Mein Laga Raha Hai. Tibb-e-Yunani Se Le Kar Tibb-e-Islami Tak Besh Baha Aisi Kutub Maujood Hain Ke Jin Mein Itna Zakhira-e-Kutub Maujood Hai Jin Mein Janwaron Ki Charbi, Gosht, Jadi Bootiyon Se Mukhtalif Qism Ki Bimariyon Ke Ilaj Ki Tashkhees Ki Ja Rahi Hai. Aaj Ka Daur Chunke Taraqqi Ka Daur Hai Aur Jaise Jaise Zamane Ke Taghayyur Ke Sath Sath Baqi Tamam Ashya Mein Behtari Paida Hui Waise Hi Khurak Ke Mutaliq Tahqeeqat Mein Bhi Bahut Taraqqi Runuma Hui Hai Yahan Tak Ke Ise Ek Mukammal Naam De Diya Gaya Jo Ke Ghizai Ilm (Food Science) Ke Naam Se Jana Jata Hai. Is Ilm Mein Khurak Se Mutaliq Tamam Hisson Aur Ajza Ke Jin Mein Haiwanaat Se Le Kar Nabataat-o-Jamadaat Tamam Tar Ashya Aur In Ke Istemaalat Par Mukammal Taur Par Bahas Maujood Hai. Is Ke Ilawa Dairy Ki Masnoo'aat Jaisa Ke Doodh Aur Isi Tarah Doodh Se Tayyar Ki Jane Wali Tamam Ashya Ko Bhi Ghizai Ilm Mein Hi Shumar Kiya Jata Hai. Is Ke Ilawa Food Additives Se Bhi In Tamam Mabahis Se Mutaliq Mukammal Taur Par Bahas Maujood Hai Food Additives Ko Ghiza Mein Shamil Kiye Jane Wale Ajza Mein Shumar Kiya Jata Hai Ke Jin Mein Khurak Ko Khush Zaiqa Banane Ke Sath Sath Khurak Ki Hifazat Ka Bhi Saman Maujood Hota Hai Is Ke Ilawa In Mein Ghiza Ka Khush Zaiqa Banane Ki Bhi Tamam Khususiyat Maujood Hoti Hain. Ghizai Ilm Ka Ek Pehlu GM Food Bhi Hai Jinati Lehaz Se Tabdeel Ho Jane Wali Khurak Ko GM Food Ke Naam Se Jana Jata Hai. Misal Ke Taur Par Tamatar Ki Surkhi Ko Barhane Ke Waste Surkh Rang Hasil Karne Ke Liye Khanzeer Ke Gosht Mein Rangat Paida Karne Wala Gene Liya Jata Hai Aise Hi Jadeed Daur Mein Janwaron Ke Chamde Aur Aise Hi Tamam Masnoo'aat Par Is Qadar Tawajjuh Di Gayi Hai Ke Leather Science Nami Ek Mustaqil Ilm Ko Duniya Ke Samne Pesh Kar Diya Gaya Hai Aaj Nabataat, Jamadaat Aur Haiwanaat Ka Istemaal Karte Hue Bahut Si Adwiyat Tayyar Kar Li Gayi Hain Jin Se Insan Istedada Karta Raha Hai.