2023

Permanent URI for this collection

https://escholar.umt.edu.pk/handle/123456789/16021

Browse

Browsing 2023 by Author "Babar Ali"

Now showing 1 - 1 of 1
  • Thumbnail Image
    Item
    Lisani alamgeeriyat ka Pakistani muasharay par asraat ka Islami taleemat ki roshni mein jaiza
    (UMT Lahore, 2023) Babar Ali
    Allah Ta'ala Ne Insaan Ko Paida Farmaya To Saath Hi Insaan Ko Zabaan Jaisi Ne'mat Se Nawazaa Ke Insaan Aapas Mein Apni Zaruriyat Ko Aaraam Se Bayaan Kar Sake. Phir Insaan Ko Mukhtalif Anwaa Aur Qaumon Mein Taqseem Kiya Gaya To Saath Hi Har Ek Ki Zabaan Ko Bhi Ek Doosre Se Mukhtalif Banaaya Gaya Taake Iske Zariye Har Ek Qaum Doosri Qaum Ko Pehchaan Sake. Zabaan Ke Mukhtalif Hone Mein Bahut Si Hikmatein Aur Fawaaid Hain Jinko Mahdood Nahin Kiya Ja Sakta. Isliye Ke Zabaan Hi Ek Aisa Aala Hai Jis Ke Zariye Kisi Qaum Ki Saqafat O Tehzeeb Aur Un Ke Ilaaqe Aur Qawaneen Ki Nishandahi Ki Jaati Hai. Zabaan Mukhtalif Hone Ke Saath Saath Achhi Aur Buri Bhi Hoti Hain Jaisa Ke Yeh Baat Baar Baar Dohraai Jaati Hai Ke Agar Seerat Achhi Na Ho To Achhi Soorat Ka Bhi Koi Faida Nahin. Hum Qur'an O Sunnat Ki Roshni Mein Dekhte Hain Ke Agar Hum Zabaan Se Achhe Kalimaat Ada Karein To Uska Kis Qadar Faida Aur Bad Zabaani Karein To Yeh Hamare Liye Kitni Halaakat Khez Ka Ba'is Ban Sakti Hai. Zabaan Ka Durust Istemal Allah Ki Bahut Badi Ne'mat Hai. Hamari Zabaan Se Nikalne Wale Achhe Aur Bure Alfaaz Hamare Nama-e-Amaal Mein Darj Hote Hain. Surah Qaaf Ki Aayat 18 Mein Yeh Haqeeqat Hamare Saamne Rakhi Hai "Insaan Apni Zabaan Se Koi Lafz Nahin Nikaalta Magar Qareeb Hi Ek Chaukas Likhne Wala Maujood Hota Hai. Woh Fauran Zabaan Se Nikaale Gaye Alfaaz Ko Likh Leta Hai Khwah Woh Alfaaz Achhe Hon Ya Bure." Agar Insaan Mein Yeh Baat Yaqeen Ki Hadd Tak Paida Ho Jaye To Kya Uski Zabaan Se Kisi Ki Haq Talafi Ho Sakti Hai.